我日日訓覺所發生既事

傻乂小風

有人話我忍耐力好好,其實我ｄ忍耐力係夜晚練返黎,我就比你地睇下我訓覺既深路歷程

話說小弟10點就訓覺,上床後唔夠3分鍾,就有聽到個細路係到喊,又唔知喊乜鬼野,之後我過左一陣就聽到佢呀媽好大聲同佢講:衰仔,收聲啦,嘈住唒。哈哈,你話係咪五十步笑百步。

到左12點喇,又5知咩事幹,有個佬飲醉酒,係條走廊到不停咁z你媽媽,佢仲要西利到將個4字真言發揮到淋漓盡致,幾有文采。

去到2點喇,上面又唔知邊條友係到拎個鎚仔fing下fing下,過左陣仲要開埋電鑽,我頂你咩,夜晚凌晨2點幾開電鑽,有咩窿非鑽不可呀?

好喇又到3點幾鍾,第2次世界大戰重現?一部電單車係下面經過,個engine大聲到好似美國係日本放原子彈咁。我心諗…你鍾意飛車返秋明山啦

訓下訓下又到5點鍾,我對面個呀婆又唔知係咪到左更年期,將道鐵閘拉黎拉去..好心你啦,道門唔順就落d ky油啦。撞壞左未又要比錢搵人整..

唉..去到6點鍾。真係想死,angry bird又到左發春期,係咁叫叫叫。d雀都唔放過我

跟住又訓左陣…無啦啦聽到唔知邊鬼個係到播歌,”望遠方~但是認不清哪方”仲要feel到有道光..唔通我上左天堂?唉,當我睜開眼既時候。天咩堂丫..天光喇!!xz!@#

fukcu1993

你又真係幾可憐= =

a12k90

真可憐= =希望你有一天有一個安穩的晚上。

qwqw135790

壓力大